fbpx

ليه احنا محتاجين ال machine learning من اجل التطور الطبيعى للانظمة البرمجية؟؟

ليه احنا محتاجين ال machine learning من اجل التطور الطبيعى للانظمة البرمجية؟؟

مبدئيا تعالى نعرف ايه هو الفرق بين العالم ما قبل ال machine learning و بعد ال machine learning

الجزء الاول : العالم ما قبل ال machine learning :

————————————–

الكومبيوتر بطبيعته عبارة عن الة عندها فقط القدرة انها تعمل ال calculation بشكل اسرع بكتير من الانسان لكن الكومبيوتر فى الحقيقة ليس كائنا ذكيا على الاطلاق بالعكس هى اله غبية جدا متقدرش تعمل اى حاجة لوحدها من غير برنامح يقولها تعمل ايه “بالتفصيل الممل” و خود بالك الله يرضى عليك من “كلمة التفصيل الممل” دى و حوط تحتها 11352635 خط وهنا ييجى دور المبرمج الهنسميه مجازا “المبرمج التقليدى” و هو الشخص الهيعمل البرنامج المفروض يراعى فيه كافة “التفاصيل المملة” الاحنا لسه قايلين عليها عشان يقدر يخلى الكومبيتور الغبى يفهم ال task المفروض يعمله و فى حالة ان المبرمج اهمل ولو جزء صغير من التفاصيل بتاعتة البرنامج او ماخدش باله من تفصيل صغير فالكومبيوتر ممكن يعك الدنيا و يعمل حاجة تانيا خالص او ميعملش حاجة خالص لان البعيد غبى لازم تفهمه على كل حاجة بالتفصيل و التفصيل الممل كمان … وبتعتبر براعة اى مبرمج تقليدى فى هو انه يقدر يسد الثغلرات الموجودة فى البرنامج على قدر الامكان

مثال

—-

تعالى نفرض انى عملت برنامج و البرنامج ده بيتحكم فى robot و مطلوب من ال robot ده انه يخدمنى …فمثلا هقول ل robot بتاعى : ” روح هاتلى من الغرفة زجاجة كوكا كولا من على الطربيزة “

الكومبيتر الموجود جوه ال robot عنده دلوقتى شوية INPUTS و هى معطيات مطلوب منه انه يجاوب عليها

المعطيات INPUTS:

———————–

1-غرفة

2- كوكا كولا

3-الطربيزة

غباء الكومبيتور المتبرمج بالطريقة التقليدية هو انه لو دخل الغرفة و لقى مثلا ان زجاجة الكوكا كولا موجودة على الكرسى الجنب الطربيزة مش هيجيبها و هيقولك مفيش!!! معندناش!!!!….. لان حضرتك مبرمجتهوش انه يفهم حضرتك برمجته انه ينفذ البرنامج بتاعك حرفيا ولو حضرتك كنت عايزه يجيبلك زجاجة الكوكا كولا من على الكرسى فكان لازم تقوله :”هاتلى زجاجة الكوكا كولا من على الطرابيزة او الكرسى او من الثلاجة” …لانه اغبى من انه يفهم لوحده انه لو ملقهاش على الطرابيزة بس لاقاها على الكرسى فانه المفروض يجيبهالك

يبقى عيوب ال برمجة التقليدية هو ان كل المجهود بيكون فعليا على المبرمج و الكومبيتور بيكون فعليا مجرد منفذ للبرنامج من غير ما يبدى اى نوع من الذكاء و لو ابدى اى نوع من الذكاء فده ذكاء المبرمج الطلع عينه عشان يسد الثغرات فيوحى ان الكومبيوتر ده ذكى ….بس اعتمادنا الرهيب على الكومبيوتر فى كل نواحى الحياة و تطور استخدامه هيخلى بالشكل ده فى عائق حقيقى لان لو طلبت مثلا من الكومبويتر انه يسوق عربية او طيارة فهنا مش هيكون عندى 5 او 6 احتمالات او حتى 100 احتمال الكومبيوتر لازم يكون عارفهم بل هيبقى عندى ملايين و ملايين من الاحتمالات الهيكون صعب جدا على المبرمج التقليدى انه يعلمه للكومبيوتر كله و هنا تكون الحاجة ام الاختراع حيث بدا المبرمجين بمحاولة تصميم algorithms لديها القدرة والمرونة على تصميم برامج اخرى بمعنى ادق انى اعمل برنامج عنده القدرة انه يصمم برنامج تانى و بكده الكومبيتور هيصمم البرنامج بتاعه بنفسه و يعلم نفسه بنفسه وهذا ما يطلع عليه machine learning

0 responses on "ليه احنا محتاجين ال machine learning من اجل التطور الطبيعى للانظمة البرمجية؟؟"

Leave a Message

Copyright © 2021 Epsilon AI Registered in Egypt with company no. 118268
X