OrCam MyEye

كل تلات هنتكلم عن #موضوع_في_الذكاء_الاصطناعي ..النهاردة هنتكلم عن جهاز اسمه OrCam MyEye

اكيد كلنا شوفنا اعلان ميسي الجديد عن “النضارة” اللي بتساعد أصحاب الإعاقات البصرية في التعرف علي الأشخاص اللي قدامهم. فتعالو نشوف الفكرة اللي ورا “النضارة” دي (انا بحط “” دول لانها مش نضارة بمعني الكلمة) وكمان كيفية عملها وكمان ايه اشكال تطورها ف الفترة اللي جاية وكمان ايه المشاكل اللي بتواجهم خلال التطوير

1-الفكرة :

اول حاجة لازم نعرفها هي ان الفكرة مش جديدة ولكن الكفاءة وصلت لدرجات اعلي وده طبعا راجع للاعتماد علي خوارزميات التعرف علي الوجه المتطورة Face Recognition Algorithms واللي ما كنتش بنفس القوة زمان وده كان سبب فشل اشكال كتير من النضارة دي قبل كده. ف شركة Orcam هي من اهم الشركات اللي قدرت انها تطور جهاز صغير بيقدر يساعد المكفوفين ف انهم يتعرفوا ع الشخص اللي قدامهم.

2-كيفية عملها:

هي عبارة عن جهاز بيركب علي دراع النضارة وبيفضل يصور بشكل مستمر وفنفس الوقت بيبعت الصور دي ل Server متصل بيها عليه AI Model بيعمل علي التعرف علي صورة الشخص اللي موجود قدام الكاميرا (اللي بيتكلم مع الشخص اللي لابس النضارة) وده باستخدام Face Recognition Algorithms وفي حالة انو بيقدر يوصل لاسم الشخص ده ف في مايكروفون بيقول اسم الشخص ده. (شوفت الموضوع بسيط اذاي 😀 …الموضوع اعقد من كده بس دي الفكرة بشكل عام)

3-أوجه التطوير:

في شركات كتير بتطور نظارات اقوي واذكي من كده بكتير وعلي رأسهم Google و Apple واللي هتطرح نضارة جديدة ف 2023 واللي عاملة صخب مش طبيعي رغم بعد نزولها للأسواق. ومن اهم المميزات اللي هتضاف للنضارات الذكية الفترة الجاية هي خاصية التصفح والاستجابة الصوتية والمدهش هيكون الواقع الافتراضي واللي وجودو ف نظارات صغيرة الحجم يعتبر طفرة ف حد ذاته بس ده كلام لبوست تاني 😉

4-المشاكل :

المشاكل كتير جدا واغلبها بيكون تقني ولو حبينا نتكلم عن المشاكل دي هنحتاج اكتر من بوست واحد بس هنتكلم بس هنا عن مشكلتين يخصو “نضارة” Orcam الا وهم:

أ-“اشخاص انا ما اعرفهمش ومالهمش بيانات عندي”

دي تعتبر من اهم المشكلات لاي جهاز لي علاقة بالتعرف علي الأشخاص بشكل عام وده يرجع لاسباب كتير منها ان بيانات الشخص ده ما تكونش متاحة بالنسبالي كشركة وحلها يودينا لمشكلة اكبر وهي

ب-“الخصوصية”

من اكتر المشاكل اللي بتواجه أي شركة بتعمل مشروع ف الاتجاه ده بتكون اعتبار البعض ان ده تعدي علي خصوصياتهم وبياناتهم الشخصية اللي من الممكن عدم موافقتهم لاستعمالها من قبل أي حد بشكل عام حتي لو كانت الشركة دي ذي Orcam وان يكون غرضها المعلن هو مساعدة المكفوفين.

ده كل اللي انت محتاج تعرفو بشكل عام عن “نضارة” ذي دي بس طبعا لو حابب تعرف اكتر تقدر تتواصل معانا باي وسيلة انت تفضلها ونقدر نساعدك بشكل افضل ولو حابب تقرا اكتر ادخل ع المصدر اللي جاي .

VIDEOS: This is how blind children reacted when they ‘saw’ Messi in person thanks to a device with artificial intelligence

https://www.barcablaugranes.com/2020/9/9/21429411/lionel-messi-gifts-blind-children-life-changing-devices-worth-thousands

متنساش تعمل join علي جروب الAI community عشان نقدر كلنا نفيد و نساعد بعض في مجال الAI و الData science، بنشتغل مع بعض في مشاريع مطلوبة من شركات و بتاخد معانا Mini courses و resources عشان تزود خبرتك و الskills بتاعك

https://www.facebook.com/groups/AIschool

و ماتنساش تعمل لايك وكومنت وشير لكل اللى تعرفهم ولكل اللى مهتم بالمجال دا عشان و المنشن لأصحابك المهتمين عشان غيرك يستفيد 😍

و طبعا تعمل See First للبيدج عشان تتابع المعلومات الضخمة و المهمة اللي جيالك لحد عندك عشان تدخل مجال من أهم المجالات الموجوده حاليا في العالم و لسنين طويلة ادام .

#EpsilonAI

#EpsilonAI_topics

#موضوع_في_الذكاء_الاصطناعي

#موضوع__ابسلون_في_الذكاء_الاصطناعي

#موضوع_X_كلمتين

#ابسلون_للذكاء_الاصطناعي