تصنيف ال Algorithms في ال Machine Learning

الجزء الثاني
—————————————————————————–
امبارح كنا اتكلمنا عن ال Machine Learning ولقبناها باسم Generic Algorithms و عرفنا يعني ايه Algorithms

النهاردة بقي هنتكلم عن تصنيف ال Algorithms دي و اللي بتنقسم لنوعين
“Supervised,Unsupervised”
النهاردة ان شاء الله هنتكلم عن ال Supervised
يعني ايه Supervised Learning .. ببساطة كدا يعني التعلم المراقب .. لسا مش واضحة !! .. نشوف المثال بتاعنا

لو افترضنا انك شخص بتشتغل في الاستثمار العقاري .. و لخبرتك بالمجال ف بمجرد ما تتعرض عليك شقة و تعرف مواصفاتها تقدر تحدد السعر المناسب ليها
شغلك زاد و احتاجت يكون عندك وكلاء و لكنهم مش بنفس خبرتك ف انت قررت تعملهم App هو اللي هيعرفهم الاسعار
طيب دا هيتم ازاي ؟ .. هيتم عن طريق البيانات اللي انت هتدخلها لل Algorithm بتاعك و لمدة طويلة
يعني مثلا كل ما يتم بيع قطعة في اي مكان ف انت بتسجل مساحتها و عدد الغرف و موقعها و كمان مستوي المعيشة ف المكان و ممكن الجيران و اي ميزات انت بتشوفها مهمه لحد حابب يشتري شقة .. و طبعا سعر كل شقة اتباعت عندك
لو انت عملت دا لمدة 3 شهور مثلا ف انت كدا خلصت مرحلة ادخال البيانات و هييجي دور استلام النتايج
شقة قدامك هتبتدي تدي لل App موقعها و مساحتها و عدد الغرف و المكان ف يبتدي ال App يطلعلك سعر مناسب للشقة و كل دا حصل اعتمادا علي البيانات اللي انت كنت بتدخلها قبل كدا

و هو دا اللي بنسميه ال Supervised Learning و بكرة ان شاء الله هنتكلم عن ال Unsupervised Learning .

فملخص المقالة دي ان Supervised Learning هو ان Model/ Algorithm بتاعك بتديله Data بتاعتك ليها Label يعني ليها ناتج اللي هو في حالتنا هنا كان سعر الشقة !
طيب هو في شكل تاني ؟ هل ينفع مديلوش السعر من غير Label يعني ؟؟؟
ده اللي هنعرفه المرة الجاية

———–
لو فاتك الجزء الاول تابعه من هنا
https://facebook.com/Epsilonti/posts/674924399679751?__tn__=K-R